(I)
Baylah igu helyoo
booraan iga ridyoo
baasaha jacayl
buusoobayee!

Bagaad ii dishoon
beerkiyo wadnaha
birta ugu jartee
may bixin lahayd?
***
Boogtii haddana
sii ballaaratoo
bogsan weydayee
bardihii ku yiil
isha Baydhaboo
intu guniyo baar
baxay [oo] calemu
ballaarteen [sideed]
baxarsaaf la mood (yeey)
baddanaan ku dhacay
sidan uga baxaa
badbaadaa Allee
waa adigows baddala!

(II)
Bal badray ban arkee
baga markad i tiri
baahidan ku qabo
kaama baaqan beri

Bishii dhalatayeey
been kuma hadline
barbarkaad jirtaan
sii bidhaansadaa
***
Boogtii haddana
sii ballaaratoo
bogsan weydayee
bardihii ku yiil
isha Baydhaboo
intu guniyo baar
baxay [oo] calemu
ballaarteen [sideed]
baxarsaaf la mood (yeey)
baddanaan ku dhacay
sidan uga baxaa
badbaadaa Allee
waa adigows baddala!

(III)
Ballan looma dhigo
ruux laba bogla’ ah
berri buu waqtigu
baareer maraa

Boholyoobayee
berigii hore
sidaan ku bartaan
baledaan lahaa
***
Boogtii haddana
sii ballaaratoo
bogsan weydayee
bardihii ku yiil
isha Baydhaboo
intu guniyo baar
baxay [oo] calemu
ballaarteen [sideed]
baxarsaaf la mood (yeey)
baddanaan ku dhacay
sidan uga baxaa
badbaadaa Allee
waa adigows baddala!

———————————————————————————————
Curiye: Maxamed Cumar Nuur (Nidaam)
Qaade: Xasan Aadan Samatar
NMNS: Maqaleey Warlaay
QMNS: Jacayl→Calaacal
Ammin: ?
Goobta: Xamar

Anoo Baladxaawa jooga
muxuu Bari iiga yeeray
kolkaan Boosaaso gaaray
muxuu burco iiga heesay

Anoo Beer sii maraaya
hadduu badda doon ka raacay
inuu been ila jilaayey
Adaa Boqorow ogaaye
i-Bixiyow iga badbaadi
***
Haddaan bogsadoon ka reysto
sidaan uga booday caashaq’
jacaylba haddaan u booyo
haddaan nin dambow baroorto
haddaan “Baxsanow” iraahdo
Aniga balaayaba hayga raacdo!

(II)
Baxdowga yarkaan u qaatay
jacaylkii berisamaadka
bishaarada iigu yeedhen
bilkhayrkana ugu jawaabay

Yarkii bogga ii fadhiistay
yarkii beerkayga saaqay
yarkii bogga ii salaaxay
inaanan baraarugeynin

kolkuu ka bogtuu ogaaday
hadduu baddal iigu jiiday
inuu been ila jilaayey
Adaa Boqorow ogaaye
i-Bixiyow iga badbaadi
***
Haddaan bogsadoon ka reysto
sidaan uga booday caashaq’
jacaylba haddaan u booyo
haddaan nin dambow baroorto
haddaan “Baxsanow” iraahdo
Aniga barwaaqaba hayga raacdo!

———————————————————————————————
Curiye: Yuusuf Aadan Allaale
Qaade: Binti Cumar Gacal
NMNS: H-Dhallaanka
QMNS: Sarbeeb→talis-xumo-diid
Ammin: 1980-madii
Goobta: Xamar

Hadba waxan arkaa
ano ay cidla ah
eri-dhaban sidii
kuu ololayee!
ubax baan sidaa
kuula soo ordee
maad iga aqbali?
***
Eedaad kalgacal
adaa igu unkaye
dhibta mawga bixin?
naftan ku oggolee
kuu abaajidee
kuu abaydintaa
ee kugu indha la’
usha maad u qaban?

(II)
Ifafaala iyo
sahan aragti dheer
sida awliyaan
ku oddorosayaa
yaan ilo biyo leh
ku agmeerayaan
oonku iga ba’ayn

Garta odayadaa
la i soo dhigaa
arji iyo aqoon
afti kaa baxshee
yey ku dhicin ilmadu
dhir abaarsatee
isha sacabka mari!
***
Eedaad kalgacal
adaa igu unkaye
dhibta mawga bixin?
naftan ku oggolee
kuu abaajidee
kuu abaydintaa
ee kugu indha la’
usha maad u qaban?

———————————————————————————————
Curiye: C/qaadir Xirsi Siyaad (Yamyam)
Qaade: Khadra Daahir Cige
NMNS: Maqaleey Warlaay
QMNS: Jacayl→Calaacal
Ammin: ?
Goobta: Xamar

Wax jacayl la moodaa
intu jilibka ii riday
i jibaaxey Anigee!

Jirribkiyo dhibtaan qabo
jinni-qabe shabeelliyo
aar jimicsanaayaa
jeenyaha i saaree!
***
Jamaalkaagu inanyahay
igu noqoy in jawhara [?]
indhahayga jiitee!

Cilmi kii jilbow dhigaa – hooyaa
jare ii maleegoo – hooyaa
jare ii maleegoo
jeegada i gooyee

(II)
Jamaadeey eey eey eey, Jamaadeey
Jamaadeey,

Jiilaal abaariyo
jawi laga hayaamiyo [?]
waxan jabaqle soo maray!

Jarmaadiyo carraababa
jidka waxan ku soo jiray
hadba jimicsi iyo taah
jabkan Anigu soo maray!
***
Jamaalkaagu inanyahay
igu noqoy in jawhara
indhahayga jiitee!

Cilmi kii jilbow dhigaa – hooyaa
jare ii maleegoo – hooyaa
jare ii maleegoo
jeegada i gooyee

(III)
Jamaadeey eey eey eey, Jamaadeey
Jamaadeey,

Wuxu galowgu Jiinyaley [?]
gax laga jiciirtaan
ka jedaaliyaayeey!

Jirribkiyo dhibtaan qabo
jinni-qabe shabeelliyo
aar jimicsanaayaa
jeenyaha i saaree!
***
Jamaalkaagu inanyahay
igu noqoy in jawhara [?]
indhahayga jiitee!

Cilmi kii jilbow dhigaa – hooyaa
jare ii maleegoo – hooyaa
jare ii maleegoo
jeegada i gooyee

———————————————————————————————
Curiye: ?
Qaade: Cumar Nuur Cabdulle
NMNS: Jiifto
QMNS: Jacayl→Calaacal 
Ammin: ?
Goobta: Xamar